CAGAYAN DE ORO CITY – Nakakuha’g simpatiya gikan kang kanhi City Mayor Atty. Oscar Moreno ang mga kongresista nga mipirma sa giatubang nga impeachment complaint ni Bise-Presidente Sara Duterte.
Miingon si Moreno nga angayang masayran sa katawhan nga ‘constitutional duty’ sa matag-kongresista ang pagsanong sa maong reklamo batok sa dakong opisyal nga gikasuhan niini.
Siya miingon nga dili angayang motigbabaw ang pagsilbing sikat sa usa ka personalidad apan ang sugo sa batakang balaod.
Namugos kini nga pinaagi lang sa impeachment ug wala na’y laing paagi nga mahatagan sa higayon makatubag si Inday Sara kabahin sa iyang giatubang nga reklamo sa kamarabaha.
Si Moreno kanhi prosecution panel member sa impeachment trial batok former Pres. Joseph Erap Estrada sa tuig 2000-2001 didto sa kauluhan.
