CAGAYAN DE ORO CITY – Mas bug-at alang kang Cagayan de Oro 1st District Cong. Lordan Suan ang legal opinion sa Office of the Government and Corporate Counsel o OGCC kaysa gikan sa Dept of Justice o DoJ.
Kini may kalabutan sa kuwestiyon kon angay ba nga ipapahawa ang Local Water Utilities Administration o LWUA takeover sa Cagayan de Oro Water District o COWD tungod sa gigamit nga basehan gikan sa Presidential Decree 198.
Namahayag si Suan nga tinood nga ubos sa DoJ ang OGCC apan nag-unang tahas niini ang pagresolbar sa mga isyu sa water districts tali LWUA.
Dumduman nga tipik si Suan nga mihangyo kaniadto nga manginlabot ang LWUA sa problema sa COWD ning syudad.
Gani,gisaway pa kini ug gibatikos ni City Mayor Rolando ‘Klarex’ Uy kon nganong nag-apil apil sa maong isyu apan mismo si Pres Bongbong Marcos ang nagsugo sa LWUA aron sulbaron ang daghang suliran sa COWD.
