Gipahimangnoan sa abogado nga si Atty. Lorna Capunan ang publiko nga magmatngon sa mga impormasyon nga makita sa “online” nga may kalabotan sa hearing sa Kongreso alang sa impeachment batok ni Bise Presidente Sara Duterte.
Matod ni Capunan nga adunay mga “online troll armies” nga tuyoon gyud ang pagdaot sa mga institusyon samtang nagpadayon ang proseso sa impeachment.
Sumala sa abogado nga subay sa imbestigasyon kontra sa Bise Presidente, nagpadayon usab ang mga pangdaot sa social media. Bisan pa niini, nagtuo si Capunan nga makapadayon gihapon ang Kongreso sa pagtutok sa uban pang mga isyu sa nasud. (Phillip Ariata)
