CAGAYAN DE ORO CITY – Gibadlong na sa pipila ka naglangkob sa Oro Chamber of Commerce Incorporated ang city govt officials nga ihunong na ang pagpalugwa’g mga pahayag nga makadugang sa kainit sa isyu sa panubig sa dakbayan.
Kini bisan kon igo lang gitawag sa COBI ang atensyon sa city hall nunot sa dakong bayronon sa tubig nga nasuplay niini ngadto sa COWD.
Miingon si Oro Chamber chairman of the board Raymundo Talimio Jr nga limitado ang pagpangilabot sa city hall sa maong isyu ug angay mangita na’g sulbad.
Siya miingon nga mohatag sa dautang dungog kon dunay dili maayong samputanan ang isyung pinansyal sa COBI ug COWD.
Una niini,giuyunan ni Talimio nga dunay gihimong pag-aksyon ang city govt kay nakataya na ang interes sa katawhan apan ulahi na kini kay ayha ra nahibaw-an nga naipit na sa bayronon ang COWD.
Hisayrang gisugyot sa maong negosyante nga lingkuran sa panig sa COWD ug COBI ang ilang problema kay mohatag sa negitabo nga imahen sa syudad kon pabiling ipadako ang isyu.
