CAGAYAN DE ORO CITY – Mitala na sa sobra 1.5 bilyones pesos ang kasamtangang damyos sa agrikultura nunot sa grabeng epekto sa strong moderate El Nino phenomenon sa Northern Mindanao.
Kini human kompirmaha ni Office of the Civil Defense 10 assistant regional director Gilbert Conde nga dugang usa ka syudad ug munisipyo sa Bukidnon ang gipaubos sa state of calamity gumikan sa hulaw.
Miingon si Conde nga anaa na sa halos napulo ka lugar sa maong probinsya ang ubos sa kalamidad tungod sa minus nga presensiya sa pag-ulan ug grabeng kadaot sa panguma.
Gibutyag sa opisyal nga nagkinahanglan pa kini dugang pakisusi sa Department of Agriculture aron makompirma ang maong damyos.
Hisayrang una nang nag-deklara sa estado sa kalamidad ang unom ka kalungsuran sa Bukidnon sa miagi pang mga semana.
