CAGAYAN DE ORO CITY – Ipatuman na sa dili madugay ang umento sa pletehan sa mga pasahero nga tigsakayan sa mga motorela sa dakbayan.
Kini human aprobahi sa sesyon sa konseho ang ordinansa nga nagtumong sa pag-amendar sa ordinansa number 13431-2018 nga nagtugot pagpasaka sa pletehan kung adunay pagsulbong sa presyo kada-litro sa produktong petrolyo.
Mismo si committee on public utility chairman Konsehal Eric Salcedo ang nangusog nga madala ang petisyon sa motorela operators ug draybers rason gihimuan sa amended ordinance nga gipalabang nila nila City Vice Mayor Jocelyn Rodriguez kinuyugan nila Majority Leader Kag. Edgar Cabanlas ug mga kauban sa 20th city council sa sesyon kagahapong adlawa.
Hisayrang nangayo’g dos pesos nga usbaw ang Federation of Motorela Operators and Drivers in Cagayan de Oro kay apil sila apektado sa pagsaka sa presyo sa produktong petrolyo epekto sa kagubot sa Middle East war tali US-Israel joint attack batok sa Iran.
