CAGAYAN DE ORO CITY – Namugos si kanhi City Mayor Oscar Moreno nga ‘liquadated’ na ang minilyong cash advances sa salapi nga nagamit atol sa iyang siyam ka tuig nga termino sa dakbayan.
Kini ang pasiuna nga pagtin-aw ni Moreno nunot sa gisulti sa Commission on Audit o COA nga dunay 200 milyones pesos nga cash advances ang city govt nga wala pa nahatagan sa liquadation.
Miingon ang kanhi mayor nga wala na siya’y obligasyon apan may mga cash advances pa nga iyang naabtan sa panahon ni late kanhi Mayor Vicente ‘Dongkoy’ Emano.
Dugang ni Moreno nga angay masayran sa katawhan nga sa 200 milyones cash advance nga gapingil sa COA,apil na niini ang 20 milyon pesos nga giutang sa termino ni City Mayor Rolando ‘Klarex’ Uy kay gigamit sa city hall christmas party sa miaging tuig.
Sa miaging semana,gipa-esplikar sa COA ang city govt kon nganong dili sila angay kuwestiyonon sa 37 ka infra projects balor 211 milyones pesos nga wala nahuman sa gisitar nga panahon.
