CAGAYAN DE ORO CITY – Kasuhan sa mga operatiba sa Philippine Drug Enforcement Agency -Bangsamoro Autonomous Region sa pagsupak sa Comprehensive Dangerous Drugs Act of 2002 ang duha ka dinakpan sa anti-drug buy bust operation sa Barangay Matampay,Marawi City,Lanao del Sur.
Giila ni PDEA-BAR regional director Gil Cesario Castro ang mga dinakpan nga sila alyas Mahid ug alyas Jamael nga nagpuyo sa lugar.
Nabawian sa PDEA-BAR operatives kuyog ang mga sakop sa special units sa Philippine National Police o PNP ang mga dinakpan sa 500 gramos sa gitoohang shabu nga nagkostar sa 3.4 milyones pesos,mga motorsiklo,buy bust money ug celphone.
Gitakdang itugyan ang maong mga dinakpan gikan sa mini-cell sa PDEA-BAR ngadto sa regular jail sa Bureau of Jail Management and Penelogy sa oras nga imando na sa korte.
