CAGAYAN DE ORO CITY – Tun-an sa city legal department kon angay bang kasuhan ang pipila ka firecracker vendors nga nabawian sa 300-mil pesos nga kantidad sa mga pabuto samtang namaligya sa Rotunda Circle,Brgy Macasandig ning syudad.
Kini human wala tagda sa maong mga mamaligyaay ang pasidaan ug mismong balaod nga nagdumili sa pagbaligya sa mga delikado nga klase sa pabuto ngadto sa seguridad sa katawhan sa dakbayan.
Gihimo ni BFP-Cagayan de Oro spokesperson Fire Insp Sam Velarde ang pahayag nunot sa panganti sa CITY-DILG nga manubag kadtong mga namaligya niini nga misupak sa balaod.
Hisayrang una nang nabalaka ang Dept of Health 10 nga magbaton sa taas nga kaso sa fire cracker related injuries ang Northern Mindanao itandi sa napulo ka tawo lang nabuthan sa tuig 2022.
