CAGAYAN DE ORO CITY – Gipalig-on pa sa gobiernong Hapon ang ilang pagtabang sa Pilipinas aron kalikayan ang grabeng mahatag nga perhisyo sa kalit nga pagbaha nga dala sa paghapak sa mga bagyo sa Northern Mindanao region.
Kini resulta sa pormal nga inagurasyon sa Cagayan de Oro River Basin Flood Forecasting and Warning Center nga nakabase sa parking area sa DOST-PAGASA,Molugan,El Salvador City,Misamis Oriental.
Sa mensahe ni Department of Science and Technology Secretary Dr. Renato Solidum Jr, iyang gipasalamantan ang Japan ug mismong Japan International Cooperation Agency (JICA) nga mihatag sa maong pasilidad aron mapadali ang paglikay batok sa mga pagbaha nga dala sa mga bagyo ngadto sa mga residente sa lima ka probinsya sa rehiyon.
Partikular niin ang mga nagpuyo sa Cagayan de Oro City diin grabeng naigo sa bagyong Sendong nga mikalas sa sobra libo ka tawo ug gatusan pa ang missing dihang milampurnas niadtong kadlawon sa Disyermbre 16,2011.
Matud ni Solidum nga tungod sa maong kagamitan,mapadali ang paghatag sa disaster offices sa ensaktong mga impormasyon ngadto sa local govt units nga nasulod sa rehiyon diin anaa ang pagsulod sa moigo nga bagyo ug sa dad-on nga pagbaha niini.
Dumdumann nga anaa sa 300 milyones pesos ang pondo nga gigamit sa maong state of ther art facility aron magamit sa ensaktong monitoring sa Cagayan de Oro River Basin nga nagsilbing ika-16 nga pinakadako sa nasud diin anaa ang upat ka suba sa Bukidnon nga moagi ayha molahos sa Macajalar Bay sa rehiyon.
Misaksi sa inagurasyon sila His Excellency Endo Kazuya,Ambassador Extraordinary and Plenipotentiary of Japan, JICA Senior Representative of Philippines Office Morishima Takanori, DOST-PAGASA officials, Misamis Oriental 2nd District Cong. Bambi Emano,local govt officials ug ang donor sa yuta nga gibarugan sa pasilidad.
