CAGAYAN DE ORO CITY – Saksihan ni Executive Secretary Lucas Bersamin isip representasyon ni Pres Bongbong Marcos ug Japanese Ambassador to the Philippines Kazuhiko Koshikawa ang inagurasyon sa balor 8.5 bilyon pesos nga Japan International Cooperation Agency JICA-assisted Flood Risk Management Project for Cagayan de Oro River sa Sitio Balacanas,Brgy Puntod sa syudad karong buntag.
Kini ang kompirmasyon ni Cagayan de Oro City Police Office spokesperson Police Lt Col. Evan Viñas kabahin sa maong kalihukan.
Siya miingon nga nakahan-ay na ang seguridad nga ilang ipatuman alang sa mga bisita nga motambong nga naglakip kang City Mayor Rolando ‘Klarex’ Uy ug ubang local govt officials ning syudad.
Ang maong proyekto ang gimugna ubos sa JICA ug national govt fundings aron ka-proteksyonan ang katawhan batok sa mga grabeng pagbaha sama sa nahitabo sa bagyong Sendong sa tuig 2011.
Nasugdan ang maong proyekto tuig 2018 diin gihataga’g prioridad ni kanhi Pres Rodrigo Duterte ubos sa iyang Build-Build-Build program nga gipa-facilitate usab ni former City Mayor Oscar Moreno ang pagpadali sa pag-relokar sa mga pamilya nga apektado sa katukuran sa maong proyekto.
Hisayrang abg halos 12 kilometros nga infra project ang dunay flood risk management design nga 50-year flood return period tungod sa epekto nga ihatag sa global climate change.
