CAGAYAN DE ORO CITY – Kasuhan sa kapolisan sa pagsupak sa Graphic Health Warnings Law ang duha ka suspek nga nabawian sa balor 800-mil pesos nga gitoohang inismagol nga sigarilyo sa Brgy Rebucon,Nunungan,Lanao del Norte.
Kini human nadakpan pinaagi sa checkpoint mismo sa AFP Patrol Base sa maong lungsod.
Gibutyag ni Police Brig Gen Jaysen De Guzman,regional director sa Police Regional Office 10 nga maoy nakuha sa mga sundalo sa 51st Mechanized Company,5th Mechanized Batallion,Armor Division, Philippine Army ang klase-klaseng sigarilyo nga nagkantidad sa P800-K.
Siya miingon nga gilayong gikustodiya sa Nunungan Police Station ang mga dinakpan ingon man ang Bongo truck nga gikargahan sa kontrando.
Gitugyan usab sa Bureau of Customs ang mga sigarilyo nga nabawi alang sa pag-imbentaryo niini.
