Mi-apelar sa suporta gikan sa katawhang Pilipinhon si eight world division champion Manny Pacquiao nga paluyuhan ug i-ampo ang away sa iyang anak nga si Jemuel Pacquiao didto sa Radiant Sports Complex Valley View Boulevard,Las Vegas,Amerika ning adlawa.
Miingon si Pacman nga usa sa amateur fight ang salmutan sa iyang anak diin ikasangka niini ang usa ka Patrick ‘Pat’ Reyes Jr alang sa 3 round bout sa maong nasud.
Siya miingon nga giagi lamang una niya sa amateur fights ang iyang anak isip pagtubag sa hilig niini sa boksing.
Si Jemuel ang nagbinugtong nga mga anak sa pambansang kamao nga misunod sa iyang hilig sa boksing.
Hisayrang si Jemuel nagbaton na sa siyam ka amateur fights diin lima niini daug ug laing upat pildi samtang si Reyes naghubot usab sa 16 ka away nga naglakip sa 11 pildi ug 5 ang daug.
