CAGAYAN DE ORO CITY – Mihangyo ang Philippine Air Force nga likayan ang pagpakatag sa mga sayop nga impormasyon ug mga hulagway kung nausan pagkahagsa ang FA-50 fighter jet sa bukid sa Kalatungan,Brgy Mirayon,Talakag,Bukidnon.
Gibutyag ni Col Ryan Reynie Sonza,acting commander sa Tactical Operations Wing Eastern Mindanao nga pulos fake news ang mikatag sa social media kabahin sa hitabo kay wala pa’y gilugwa nga impormasyon ang mga imbestigador apan nagpadayon pa sa pakisusi sa crash site.
Siya miingon nga maoy impormasyon nga ilang nadawatan nga nabulag sa pila ka metros ang lawas sa mga piloto gikan mismo sa eroplano diin nakit-an kini sa mga sundalo sa adlaw’ng Miyerkules sa buntag.
Igo pagka-rekober sa eroplano,mikatag gilayon ang hulagway sa nahagsa nga combat jet apan sumala sa Philippine Army dili kini ang aktuwal nga panan-on sa crash site.
Hisayrang namatay sa nahagsa nga fighter jet sa PAF sila Major Jude Salang-oy ug 1Lt April John Dadulla niadtong Martes sa kadlawon.
