CAGAYAN DE ORO CITY – Bakak ug dili tinood ang mikatap sa social media ang gipadlakan sa interim officials ang buhatan sa naka-hold nga general manager sa Cagayan de Oro Water District o COWD nga si Engr Antonio Young.
Kini sukwahi sa gipakaylap nga impormasyon sa social media nga puwersadong gipasirad-an subay sa mando ni interim COWD General Manager Fermin Jarales.
Miingon si Jarales nga siya ang temporaryo nag-opisina sa buhatan ni Young ug nagluwa usab kini’g mando nga ipa-work from home lamang una kini aron mas mahatagan sa proteksyon ang isig kapanig.
Siya miingon nga nagka-estorya sila ni Young kabahin niini rason nga walay angay ikabalaka ang publiko sa trabahong-relasyon tali sa interim officials ug mismong COWD employees.
Una nang nabaniug nga gipasirad-an ang buhatan ni Young kay aron mapreserbar ang unsa may anaa nga mga dokumento samtang kamulo mangita’g sulbad ang interim sulod sa mubo nga tagal sa mga problema sa COWD.
