CAGAYAN DE ORO CITY, Philippines – Pasado na City Ordinance nga mupugong sa walay pahutak nga paggamit sa kawayan, aron kini magamit sa pagsanta sa nagtaas nga kaso sa dengue sa Malaybalay City, Bukidnon.
Pinaagi sa City Ordinance no – 1050, nga gipanag-iya ni Councilor Melchor Maramara ug gi-isponsor ni Councilor Kathleen Pagaling, ilang nadesisyonan nga kontrolon sa syudad ang paggamit sa kawayan kay nagsilbing kining breeding grounds sa mga lamok nga gadala sa degue.
“Bamboo exposed to rainfall can collect water, creating a breeding ground for mosquitoes,” ingon ni Maramara.
Ubos sa ordinansa, ang mga residente ug negosyo nga mogamit sa kawayan aron himoo’g mga koral, poste, o dekorasyon kinahanglan magbuhat og mga lungag sa materyal aron malikayan ang pagtipon sa tubig.
Niadtong miaging tuig, ang syudad sa Malaybalay mitala sa dul-an 1,000 ka kaso sa dengue, samtang ang probinsya sa Bukidnon mitala sa 5,000 ka kaso.
Ang mga molapas sa ordinansa mag-atubang sa mga silot sama sa monetary fine nga mubalor sa P500 hangtod P2,000, ug ang mga negosyo nga dili mosunod mahimong kanselahon ang ilang lisensya.
Gitahasan sa konseho ang mga opisyal sa barangay nga magbantay ug mu-implementar sa ordinansa.
