Gipamugos ni Senate President Alan Peter Cayetano nga nahatag gilayon ang kopya sa CCTV Footages sa nahitabo nga Mayo-13 nga tensyon sa Senado.
Gibu-ak sa senador ang iyang pakahilom, human iyang namatikdan ang pagpakatag sa mga sayop nga naratibo kalabot sa pag “secured” sa mga CCTV footage.
Subay sa iyang facebook live, iyang gibutyag nga dihang naka-abot na sa pasilidad ni Department of Interior and Local Government (DILG) Secretary Jonvic Remulla, gilayong gihatag sa Office of the Sergeant-at-Arms (OSAA) ang kopya sa CCTV, usa sa DILG, ug laing kopya alang sa senado.
Tumong niini ang paglusad sa parallel investigation dungan sa imbestigasyon nga ilusad sa DILG ug Philippine National Police (PNP).
Gisalikway ni Cayetano ang mga peke nga balita nga gidoktor ang footages aron mupabor kanila, human sila gi-akusaran nga “drama-drama” ra o “stage” ang tensyon aron makakitag higayon si Senador Bato dela Rosa nga maka-eskapo sulod sa gambalay sa senado
