Gibutyag sa National Capital Region Police Office (NCRPO) nga ‘generally peaceful’ ang paghihumdom sa kalag-kalag sa mga sam-ang sa Metro Manila karong tuiga.
Matud ni NCRPO Spokesperson Lt. Col. Hazel Asilo, nahimong malinawon ang dagan sa kalag-kalag ug wala silay natalang seryosong kakulian o untoward incident, gawas na lamang sa kasong dunay kalabutan sa Safe Spaces Act nga gikalambigitan sa usa ka menor de edad sulod sa sam-ang.
Wala usab silay natala nga krimen sama sa pagpanguot ug walay namonitor nga bisan unsang hulga sa wala pa ug samtang gihinumdom ang kalag-kalag.
Mipahayag ang tigpamaba nga karong adlawa kay misaka na sa 2.5 milyon ang kinatibuk-ang ihap sa mga nangduaw sa mga sam-ang sa Metro Manila sugod niadtong Oktubre 28, samtang naka-alerto usab ang kapin sa 13,000 ka mga kapulisan sa tibuok rehiyon.
Dugtong niini, magpadayong nakaheightened alert status ang PNP hangtud sa Nobyembre 3 nga posible pang lugwayan depende sa mahimong pinal nga assesment sa pamunoan. (raniel mahunyag)
