PC:Owner
CAGAYAN DE ORO CITY-Dili madawat isip lehitimong miembro ang 7-mil ka political elected officials ug pribadong indibidwal nga kabahin sa mihurar sa mass oathtaking sa PDP-Laban sa USTP gym ning syudad sa miaging Enero 27 ning tuiga.
Katin-awan kini ni PDP-Laban national council chairman Atty Rogelio Garcia ilabina kon wala moagi sa regular basic membership seminar.
Miingon si Garcia nga dugay nang panahon nga giklaro ni PDP-Laban founder kanhi Senate Pres Nene Pimentel Jr nga i-tratar lamang sila isip higala ug alyado sa politika apan dili lehitimo nga sakop sa partido.
Samtang gi-kuwestiyon ni Gusa Brgy Kap Maron Tabac ang personalidad ni Garcia.
Kini human giila nga dili lehitimo ang pagpahurar ni Senate President Koko Pimentel sa 7-mil ka bag-ong miembro sa partido PDP-Laban ning syudad sa miaging Enero ning tuiga.
Miingon si Tabac kinsa head sa PDP Laban Cagayan de Oro council nga wala sa poder si Garcia aron labwan ang gahom sa executive committee nga modawat sa bag-ong mga miembro sa partido.
Sila si City Mayor Oscar Moreno;Vice Mayor Kikang Uy;12 ka konsehales;Cong Klarex Uy ug Misamis Oriental 1st District Rep Pedro Unabia ang kabahin sa 7-mil nga mihurar atubangan kang Pimentel niadtong tungura.
