CAGAYAN DE ORO CITY – Gi-asiyum na ni Gusa Brgy Kapitan Marlo Tabac ang pagsilbing pangulo sa Ligas ng mga Kapitanes Cagayan de Oro Chapter epektibo kagahapon sa udto.
Kini human siya nakapanumpa kang Brgy 18 Kapitan Rey Rivera aron hulipan si kanhi ABC president ug karon City Councilor Alam sa distrito dos ning syudad.
Miingon si Tabac nga gipadala na niini ang notisya sa nagkadaiyang hingtungdang ahensiya sa gobierno aron mopahibalo sa iyang pagsunod sa balaod kabahin sa mga kalihukan sa kabarangayan sa dakbayan.
Siya miingon nga naghulat na lang usab kini sa certificate of confirmation gikan sa ilang nasudnong-liga sa kapitanes aron ipakita sa buhatan nila ni City Mayor Klarex Uy,City Vice Mayor Bebot Rodriguez ug mismo sa ABC-CdeO chapter.
Dugtong niini,wala ilha sa mga kapitanes nga loyal kang Lim ang pagka-pangulo sa Liga ng mga Brgy sa syudad si Tabac.
Miingon si ABC-Cag de Oro chapter spokesperson ug Baikingon Brgy Kap Jao Gumapac nga katungod ni Tabac ang pag-asiyum sa bakanteng posisyon apan dili nila siya ilhon nga lehitimo nga presidente sa liga.
Kini tungod kay gipapha na nila si Tabac ug nakaduso na usab sila sa ilang reklamo sa Liga-National nga bakante ang bise-presidente hinungdan nga magpadayon kini sa mga trabaho nila taliwala nga wala na si Lim sa kahugpungan.
Namugos si Gumapac nga wala na sila’y kumpiyansa ug pagsalig nga si Tabac pa ang mangulo sa mga kapitanes sa dakbayan.
