CAGAYAN DE ORO CITY, Philippines – (update) Hugtanong misupak ang grupong Bantay Tubig sa laraw nga lugwayan pa ang paghupot sa Local Water Utilities Administration -Iterim Management sa Cagayan de Oro City Water District.
Namahayag si Bantay Tubig Movement Chairman Eric Salcedo nga delikado ang maong rekomendasyon tungod kay makomparar kini sa paghatag sa dugang gahum ni Interim Manager Fermin Jarales nga patas-an ang singil sa tubig sa syudad, aron ipakang kini sa bayad sa dakung utang sa COWD gikan sa ilang bulk water supplier.
Gusto ni Salcedo nga tun-an kinig maayo ilabe na ang pagdesisyon niini nagkinahanglan sa kalambigitan sa mga konsumente sa syudad nga maoy direkta nga maapektuhan sa gihugon-hugon nga water rate increase.
