CAGAYAN DE ORO CITY – Naghatag lang sa dakong pagpakaulaw sa dignidad sa syudad ang gihimong pagngalan housing project sa syudad ngadto kang City Mayor Rolando ‘Klarex’ Uy sa Sitio Pamalihi,Brgy Pagatpat.
Miingon si kanhi City Mayor Oscar Moreno nga dakong gidili sa balaod nga himoon kini sa syudad kay dunay natabang niini ang Japanese govt.
Namahayag si Moreno nga walay nahimo si Uy apan dawat limpyo lamang sa maong programa diin gisubhan sa wala pa ang semana santa.
Samtang pagtubag sa taas nga housing unit backlogs ang pagpadayon sa city govt sa maong proyekto nga ginganlan na’g Klarex Ville 1 sa Brgy Pagatpat ning syudad.
Miingon si City Mayor Rolando ‘Klarex’ Uy nga dili iyang pagbuot apan dunay pagtugot niini ang national govt agencies alang sa maong katuyuan.
Siya mingon nga sinugdanan pa lang kini sa iyang housing projects kay lauman ang daghan pang pagtukod sa mga balay.
Dugang ni Klarex nga dili lang maguol si Moreno kay bisan ang mga empleyado city govt ang hatagan usab sa housing units sa Brgy Lumbia ning syudad.
Namahayag si Uy nga subhan ang maong proyekto sulod ning bulana.
Siya miingon nga bisan ang pipil ka sakop sa mga pulis nga kuwalipikado ang hatagan usab sa maong higayon magbaton sa programang pabahay sa gobierno.
