Nanawagan ang Masa Sara Duterte Alliance o MASADA nga kinahanglang mapriso ug manubag sa balaod si Presidente Ferdinand Marcos Jr. ug ang mga magbabalaod nga nagpaluyo sa unconstitutional nga national budget.
Subay sa pahayag ni MASADA Founding Convenor Ben Ranque, klarong pag-abuso sa gahum ug pagyatak sa Konstitusyon ang sobrang pagpasulod sa mga unprogrammed appropriations sa pondo sa nasud.
Gipunting sa opisyal nga walay bisan kinsa ang labaw sa balaod ug dili angay nga abusohan ang pwesto aron lang diktahan ang kwarta sa katawhan.
Hagit karon sa grupo nga tumanon sa kasamtangang administrasyon ang desisyon sa Korte Suprema ug walay langan nga sikupon ang tanang nalambigit sa maong kalapasan.
