CAGAYAN DE ORO CITY – Gihupay sa liderato sa 4ID,Philippine Army nga dili mo-resulta sa pag-rebelde sa mga pamilya nga apektado sa demolasyon sa sobra 400 ka balay sa Camp Edilberto Evangelista,Brgy Patag ning syudad.
Kini human wala matago ang dakong kadismaya ug pagmahay sa kanhi mga sundalo ug mga pamilya niini nga sa taas nila nga pagserbisyo sa gobierno,unayon lang sila pagpapahawa kay nagsilbing military reservation sa gobierno ang maong mga yuta.
Miingon si 4ID Demolition designate spokesperson Army Captain Abby Lorenzo nga kumpiyansa sila nga nasabtan sa maong mga pamilya kon nganong gipatuman kini sa gobierno kay gamiton man sa dugang pag-serbisyo alang sa mga sundalo dinhi sa Mindanao.
Siya miingon nga miduyog sila sa gihambing emosyon sa mga apektadong mga residente apan may sugo usab ang balaod nga angay nila sundon.
Hisayrang human kanselaha sa korte suprema ang pribadong pagpatitulo sa duha ka lote nga sulod sa military reservation,gimando niini sa local court nga ibalik na kini sa kustodiya sa Philippine Army.
