Mihatag sa gamayng paglaom ug kalipay sa mga pamilya sa mga biktima sa EJK o drug war ang pagsulti ni Ombudsman Boying Remulla nga adunay na’y warrant of arrest batok kang Senador Ronald “Bato” Dela Rosa gikan sa ICC.
Gibutyag ni Nanette Castillo, inahan sa usa sa mga biktima sa war on drugs sa administrasyon ni kanhing Presidente Rodrigo Duterte, bisan wala pa kini kumpirmasyon gikan sa Department of Justice o sa ICC, dako na kini nga kalipay alang kanila.
Giingon ni Castillo nga kung tinuod man, usa kini ka “welcoming gift” para sa umaabot nga Pasko tungod kay makatabang kini sa paghatag sa hustisya sa tanan ilegal ug brutal nga gipangpatay panahon sa War on Drugs sa Administrasyong Duterte.
