CAGAYAN DE ORO CITY – Dili kapalpakan sa city govt kon nganong pakyas maapil ang Cagayan de Oro isip awardee unta sa Seal of Good Local Governance o SGLG nga tinuig nga ihatag sa DILG-Manila sa kada-local govt units sa nasud.
Kini ang pagpasabot ni DILG City Director Edward Bhagwani kon nganong wala naapil ang syudad sa SGLG awardees taliwala nga nahatag niini ang tanang gipangayo sa evaluation process ning tuiga.
Miingon si Bhagwani nga mihimo na sila’g apelar sa kauluhan aron makonsiderar ang peace and order findings nga dunay kasaypanan sa PNP kay may mga karaang kaso pa sa tuig 2022 nga nakarga sa tuig 2023.
Hisayrang sa napulo ka area of concentrations sa SGLG search, wala ubos ang nakuha nga puntos sa peace and order kay wala klaruha’g susi sa PNP ang data nga gisubmitar sa dakbayan.
