Taman ra sa video message ang pagsalmot ni Presidente Ferdinand Marcos Jr, sa pagbukas sa ika-66 edisyon sa Palarong Pambansa 2026 (Tu Agsur Palarong Pambansa) sa Prosperidad sa Agusan del Sur.
Ang iyang mensahe gi-representar ni Special Assistant to the President Antonio Ernesto Lagdameo Jr.
Migamit sa lokal nga pinulungan sa taga AgSur ang presidente sa iyang pagtimbaya sa mga atleta.
Gihighlight ni Marcos ang padayon ang suporta sa gobyerno sa pagbansay sa kabataan sa larangan sa isports, dungan sa pagtunol sa ₱10M incentive fund gikan sa Philippine Sports Commission alang sa mga medalists sa regular sports ug para games, nga unang higayon sa kasaysayan sa Palaro.
Siya nagtoo mlnga buhaton sa mga atleta ang tanan paagi aron maka medalya, apan nagpadumdum ang presidente nga dili kalimtan ang paglingaw ug pakighigala samtang nag atubang sa mga pagsulay sa torneyo.
Masaligon si Presidente Marcos nga daghan makat-unan ang kapin 11,000 ka mga atleta nga madala bisan asa sila paingon sama sa disiplina, pagpaningkamot, pagtahod ug pagpakabana sa isigkatawo.
Gihatagan usab sa pagtagad sa gobyerno ang siguro nga suporta sa mga ginikanan, magtutudlo ug coach alang sa kalampusan sa mga atleta.
Gipangayo niini ang pag-ampo alang sa ilang kalampusan sa Palaro.
