Gihulagway ni Masa Sara Duterte Alliance National Convenor for Education Joey Pelaez nga purong bakak ang pamahayag ni PCO Undersecretary Claire Castro nga porsyon ra sa 2024 ug 2025 National Budget ang unconstitutional.
Gibutyag ni Pelaez nga basihan sa Korte Suprema ang pagbasura sa tibuok pondo sa maong mga tuig tungod sa pagsobra niini sa gigahin sa National Expenditure Program sa Presidente.
Gipasabot sa opisyal nga milapas og 449 billion pesos sa 2024 ug 517.99 billion pesos sa 2025 ang gipagawas sa Kongreso pinaagi sa Bicameral Conference Committee nga nakalapas sa Saligang Batas.
Tungod niini, nanawagan ang grupo sa katawhan nga dili magpalimbong sa pamahayag sa Malacañang ug gipahimangnoan ang gobyerno nga sundon ang saktong lagda sa pondo sa nasud.
