CAGAYAN DE ORO CITY – Dili ihunong sa mga pamilya sa 58 ka biktima sa Maguindanao massacre nga gukdon ang ubang mga kriminal nga pabiling gawasnon sa balaod.
Panganti kini sa anak babaye ni Bombo Ernesto ‘Bart’ Maravilla kinsa chief of reporters sa Bombo Radyo Koronadal nga si Jane Maravilla kinsa nagsagol ang pagbati sa pagkonbikto sa korte sa mga mastermind sa maong masaker kagahapong adlawa.
Miingon si Jane kinsa nagtungha sa kursong abogasiya nga nagsagol ang ilang gibati sa hukom gipanakaug ni Quezon City RTC Branch 221 Presiding Judge Jocelyn Reyes diin konbiktado ang magsoong Zaldy ug Andal Ampatuan Jr sa 57 counts sa multiple murder.
Si Andal Jr ang gitudlo sa mga testigo nga mitaga-tagsa’g pusil sa mga biktima gamit ang dala nga baby armalite ayha gihulog sa dakong bangag sa Sitio Masalay, Barangay Salman, Ampatuan, Maguindanao niadtong Nob 23, 2019.
