CAGAYAN DE ORO CITY-Hustisya ang gipangayo sa pamilya sa napatay’ng suspected drug pusher diha sa Brgy. Sinai,Laguindingan,Misamis Oriental.
Sumala sa anak sa namatay nga si Michelle Nara, gi-plantingan sa 8 ka sachet sa shabu ang iyang namatay nga amahan nga si Melvin Narra,41 anyos.
Siya miingon nga dili drug pusher ang iyang amahan tungod kay maoy bisyo niini ang babaye ug manok.
Gani, giakusahan niini ang mga pulis nga mikawat sa .45 kalibre nga armas sa iyang amahan.
Una nang gipamugos ni Laguindingan Police Station commander Police Sr/Insp. Rorye Taboclaon nga anaa sa drug intelligence list ang suspek ug misukol kini sa ilang gihimo nga operasyon.
