CAGAYAN DE ORO CITY – Naghinam-hinam na sa iyang paghatag sa serbisyong-legal isip abogado si Reverend Father Hawthorne ‘Bong’ Galas nga sakop sa Society of Saint John Vianney (SSJV) congregation ubos sa archdiocese ning syudad.
Kini ang pagsaysay sa maong pari pipila ka adlaw gikan sa paglugwa sa resulta sa 2024 bar exams diin kabahin siya sa sobra 3-mil nga nagpasar.
Miingon si Galas nga mibati na siya’g diskorahe dihang duha ka higayon kining wala makapasar sa abogasiya.
Apan gidasig ug gitahasan siya ni Most Reverend Jose Cabantan,DD ang arsobispo sa Cagayan de Oro Archdiocese nga subli mag-rebyo hinungdang mipabor na kaniya ang kahigayonan.
Hisayrang si Fr. Galas nga lumad taga-Camiguin ang na-ordinarhan sa pagka-pari sa tuig 2007 ug gilayong nadestino sa nagkadaiyang buluhaton sa simbahan ning syudad.
