CAGAYAN DE ORO CITY – Posibleng musaka pa sa 1.8 milyon ang pasahero gikan sa adlaw sa Palm Sunday hangtud sa adlaw sa pagkabanhaw.
Gibana-bana kini sa kadagkuan sa Ninoy Aquino International Airport (NAIA).
Una nang namahayag ang Manila International Airport Authority (MIAA) nga misaka pa sa 560,000 ang pasahero gikan Domingo Abril 12 hangtud sa Miyerkules Santo busa wala puwas ang ilang gihatag nga seguridad kauban ang kapulisan.
Hinoon, sulod sa upat ka adlaw nga monitoring sa PNP Aviation Security Group wala’y dagkung distroso sa mga pasahero ang nahitabo, apan, nangayo silag despensa sa hinay nga lihok sa linya padulong sa tugpahanan tungod sa ilang gipatuman nga striktong pagsusi sa mga bagahe.
Sa miaging adlaw, adunay usa ka negosyante ang nasikop sa NAIA kay nagdala sa armas, apan kini, isolated case lamang.
