CAGAYAN DE ORO CITY – Gikompirmar sa Dept of Health 10 ang unang kaso sa corona virus disease diin usa ka lalaki nga pasyente nga naka-confine sa Northern Mindanao Medical Center sa Cagayan de Oro City.
Miingon si Department Of Health (DOH) 10 epidemiologist Dr. Ian Gonzales nga nagsumikad ang kompirmasyon sa maong pasyente gikan sa ilang sentral office.
Gibutyag ni Gonzales nga bisan niini, angay magmakalmahon ang publiko ug angay sundon ang mga lakang nga ikalikay nila nga matakbuyan sa maong sakit.
Namahayag ang opisyal nga gisugdan na usab nila ang contact tracing sa mga nakauban sa maong pasyente nga iyang kadungan pagsakay sa eroplano gikan sa Manila ug pagtugpa sa tugpahanan sa Laguindingan, Misamis Oriental kagahapong adlawa.
Una nang gikompirmar ni Gov Bambi Emano nga gipaubos na niya sa state of calamity ang Misamis Oriental isip pagpangandam batok sa pagsulod sa virus.
