Gibulgar ni kanhi Ako Bicol partylist Rep. Zaldy Co nga mismo si Pres Bongbong Marcos ang nagsugo nga adunay isulod nga P100 bilyon nga budget insertion sa tuig 2024.
Kini subay sa expose ni Co diin iyang gisampit ang pangalan ni Budget Secretary Amenah Pangandaman nga maoy nagsaysay kaniya sa kagustuhan ni Marcos.
Gilayong gitawgan ni Co si kanhi House Speaker Martin Romualdez aron kompirmahon ang sulti ni Pangandaman.
Misulti usab daw si Romualdez nga kung unsay gusto ni Marcos,makuha daw kini niya.
Hisayrang si Zaldy ang naduot pag-ayo sa isyu sa flood control projects controversy diin siya nagtagu-tago paggawas sa nasud.
