Gidasig ni Pres Bongbong Marcos ang mga atleta nga magkugi sa ilang mga pagtoon ug pagsilbing mga magdudula gikan sa nagkadaiyang mga tunghaan sa nasud.
Kini aron tipik sila sa mahimong sunod nga mga nasudnong atleta nga representasyon sa nagkadaiyang international games sa Asya ug ubang bahin sa kalibutan.
Gihimo ni Marcos ang mensahe nunot sa opisyal nang pagbukas sa weeklong 2025 Palarong Pambansa sa Laoag City,Ilocos Norte kagabii.
Miingon ang pangulo nga kung magpursige ug balansehon lang sa mga estudyante ang ilang pagsilbing mga atleta,lauman nga daghan pa ang mga mosunod sa mga tunob nila ni boxing icon Manny Pacquiao, weightlifters gold medalist Hidilyn Diaz, Carlos Yulo, world pole vaulter EJ Obiena ug daghan pang uban.
Kini ang rason nga gipasabot ni Marcos nga gihimo sa gobierno ang tanan aron makatabang sa mga atleta nga makab-ot ang ilang tagsa-tagsa ka tinguha sa kinabuhi.
Hisayrang anaa sa sobra 15-mil ka delegado nga naglakip sa Northern Mindnao Regional Athletics Association ang aktibong milambigit sa Palarong Pambansa ning tuiga.
