CAGAYAN DE ORO CITY – Dili apektado ang kompanyang Metro Pacific Water sa resolusyon nagtumong pagdeklara kanila sa konseho nga persona non grata.
Kini human wala magustuhi sa city govt ang ilang pagputol sa suplay sa tubig epekto sa pagdumili’g bayad sa Cagayan de Oro Water District o COWD sa ilang obligasyon.
Namahayag si MetroPac senior legal counsel Atty. Roberto Rodrigo nga hulaton nila ang sulat sa konseho aron ipadayag usab ang tubag sa ilang gihimong aksyon batok sa COWD.
Siya miingon nga nasabtan nila ang gibati sa konseho.
Una nang gipalabang sa pinaagi sa special session ang lima ka resolusyon diin tipik niini ang persona non grata declaration batok Cagayan de Oro Bulk Water o COBI kay naghinakog sa pag-deliver sa tubig sa mismong katawhang konsumante dinhi sa syudad.
