CAGAYAN DE ORO CITY – Gilayong mihimo’g kausaban sa gabayan si Misamis Oriental Provincial Governor Peter Unabia sa pagdawat sa mga iskolar sa kursong ‘nursing’ sa MSU-Naawan nga nakabase sa lalawigan.
Kini human nasaypan ang iyang political campaign messaging nga gingusgan niini ang maong nursing scholarship apan limitado lang sa mga babaye ug kadtong hitsuraan ang adunay kagahom nga dawaton.
Sa pag-atubang ni Unabia sa mga empleyado sa kapitolyo ug sa social media sa flag raising sa kapitolyo, namahayag si Unabia nga bukas na sa tanang gusto mo-avail sa maong programa ug wala na limitahi sa kababayen-an lamang.
Apan siya miingon nga sa realidad, lisod dawaton sa usa ka papangaplay sa trabaho kung ang hitsura susama daw kaniya.
Kini ang rason nga nasampit niya kini sa maong kampanya kay gibasi lamang niini sa realidad nga adunay mga kompanya nga maayong hitsura ang usa sa mga gipangita aron madawat sa trabaho.
‘Ayaw mo pag-onion skin.Senstibo ra kaayo mo’, sulti ni Unabia
Midugang kini sa pag-ingon nga sa mga kompanya sa commercial planes, hitsura man ang nag-una nga pangitaon ayha madawat ang mga aplikante sa pagka-flight attendant.
Giklaro usab niini nga gitagan niya’g taas nga pag-ila ang mga nurse ug medical practitioners rason nga anaa ang maong programa sa iyang administrasyon.
Dumduman nga ning adlawa lang,naglugwa ang Task Force SAFE sa Commission on Elections sa ilang show cause order kang Unabia aron patubagon sa maong political remarks sa maong isyu.
Hisayrang mipasabot usab si Unabia nga nasampit niya kadto sa tuyo nga ma-alerto’g balik ang mga tawo nga nanambong sa political proclamation rally kay lawom na ang gabii ug angay sila pukawon.
