.
Pormal nang gisang-at ni Atty. Mark Kristopher Tolentino ug Atty. Rolex Suplico ang petisyon sa Korte Suprema batok kang Akbayan Party-list Rep. Percival Cendaña ug Prof. Richard Heydarian alang sa kasong Indirect Contempt.
Ang reklamo mitumaw tungod sa ilang mga pahayag nga giingong malisyoso ug nag-atake sa integridad sa Pinakataas nga Hukmanan, may kalabutan sa desisyon niini sa impeachment case batok kang Bise Presidente Sara Duterte.
Ang mga abogado mipasabot nga ang ilang aksyon usa ka depensa sa dignidad sa hudikatura ug usa ka panawagan sa pagrespeto sa legal nga proseso.
