CAGAYAN DE ORO CITY – Saksihan ni PNP chief Gen. Benjamin Acorda Jr ang presentasyon sa mga armas nga nakompiskar sa tropa ni Brig Gen Lawrence Coop nga gikan sa mga sakop sa Community Terrorist Group’s Platoon IPAD Sub-Regional Committee 5 sa North Central Mindanao Regional Committee sa Camp Alagar Headquarters sa syudad ning semanaha.
Kini aron pasidunggan usab ang Team Miyarayon ubos sa Revitalized Pulis sa Brgy o RPSB sa Area Police Command Eastern Mindanao command nga maoy mikalot sa nagkadaiyang klase sa armas nga gipanglubong sa mga rebelde sa bukirang bahin sa Talakag,Bukidnon.
Miingon si Police Regional Office 10 spokesperson Police Maj. Joann Navarro nga tipik sa e-presentar ni Coop kang Acorda atol sa iyang pinakaunang pagbisita isip top PNP official na dinhi sa rehiyon ang caliber 50 millimeter improvised sniper rifle;pito ka M-16 rifles;3 ka M-14 rifles;3 ka AK-47 rifles ug duha ka kalibre 45 nga armas.
Namahayag si Navarro nga napasayon ang pagkatultuli ug pagkalot sa maong mga armas tungod sa pagtug-an sa kanhi NPA combatants nga nag-surender na balik sa gobierno.
Dumduman nga sa lungsod usab sa Talakag,na-ambush kaniadto sa mga rebelde ang commanding general sa Area Police Command Eastern Mindanao diin nag-resulta sa kamatayon sa usa sa mga eskort niini.
