CAGAYAN DE ORO CITY, Philippines – Giisa sa Philippine National Police ang High Alert Status, tungod sa gilauman nga grabeng impak sa Super Typhoon Pepito sa Rehiyo 1, 2, 3, CALABARZON, Region 8, ug Bicol Region.
Namahayag si (PNP) chief Gen. Rommel Marbil nga mukabat sa 4,894 personnel ang gideploy sa managlahing rehiyon, samtang 8,065 ka ihap sa pulis gikan sa Reserve Support and Security Forces (RSSF) ang naka-standby aron muhatag re-inforcement sa ilusad nga disaster response operations.
Gidasig ni Marbil ang iyang mga sakop nga dili mawalaan sa paglaum ug pakusgon ang kakurso sa pagtabang sa mga kominidad nga makahiagom sa grabeng paglampurnas sa bagyo.
Ang deployment sa PNP personnel gibasi sa ilang koordinasyon sa local disaster risk reduction and management council sa managlahing syudad ug probinsya sa Luzon ug Visayas nga nahimong agi-anan sa bagyo.
