Milusad na sa send off ceremony ang Philippine National Police alang sa i-deploy nga kapin 5,000 ka mga pulis nga maoy mubantay sa kahapsay ug seguridad sa ipahigayong Association of South East Asian Nation o 2026 ASEAN Summit nga unang ipahigayon sa Cebu, ning adlawa. Mangulo sa police operation si PRO-7 Director Police Brigadier General Redrico Maranan. Sa exclusive interview sa Bombo Radyo kang Maranan, iyang gibutyag nga gibansay sa paghatag seguridad sa mga ASEAN delegates ang gipadala nga mga augmentation force kundiin asa sugdan ang ASEAN Summit ug ASEAN Tourism Forum. Kapin 3,000 sa kapulisan ang ibubo palibot sa Cebu City, kapin gatus ang gipdala gikan sa Armed Forces of the Philippines. Laing gatus ka miyembro sa Philippine Coast Guard ang naka-standby sa mga pantalan, ug dul-an 400 ka mga personahe sa Bureau of Fire Protection ang gipa-aktibo. Ang Office of the Civil Defense mibubo sa ilang 450 personnel kuyog ang RDRRMC sa Region-7. Ang ubang ahensya sama sa Department of Health, Naval Forces Central, ug local traffic units nagsaka sa ilang alerto aron mahimong malampuson opening ceremony sa ASEAN. Naka-istambay usab ang 51 patrol cars ug uban pang mobility assets aron masiguro ang epektibong operasyon.
