CAGAYAN DE ORO CITY – Nagpatuman sa hugot nga seguridad ang kapolisan kuyog ang ubang intelligence community alayon sa besperas sa anibersaryo sa ika-38 ka tuig nga rebolusyong Pilipinhon diin nagpalagpot sa diktador kanhi Pres Ferdinand Marcos Sr sa katungdanan.
(Photo Peter Charlesworth)
Miingon si Police Regional Office 10 spokesperson Maj Joann Navarro nga may nakakatag na sila nga civil disturbance team nga gilangkuban sa mga pulis sa mga lugar diin lauman nga dunay kalihukan ang mga grupo nga may gusto ipalanog nga mensahe ngadto sa gobierno.
Siya miingon nga marching order ni PRO 10 regional director Police Regional Director Brig Gen Ricardo Layug Jr nga ipatuman ang police maximum tolerance alayon sa pagdumdom sa EDSA People Power 1 anniversary ugmang adlawa.
Hisayrang sa panahon sa rebolusyon batok Marcos Sr,ilado usab ang Northern Mindanao nga opposition region diin naggikan si late anti-martial law advocate Aquilino ‘Nene’ Pimentel Jr nga kapila gidakop tungod sa pakigbisog sa tawhanong katungod.
