CAGAYAN DE ORO CITY – Angayang pangutan-on sa katawhan si City Mayor Rolando ‘Klarex’ Uy kon nganong dunay naglihok nga pasilidad sa POGO sa Brgy Cugman ning dakbayan.
Kini human angkona sa kapolisan nga dunay nga POGO hub nga gidumala sa Chinese national nga si Antonio Yang nga nadiskobreng ka-transaksyon ni dismissed Bamban Mayor Alice Guo.
Gihimo ni kanhi Phividec administrator Jose Gabriel ‘Pompee’ La Viña ang hagit dungan sa pagtin-aw nga walay POGO facility nga naglihok sulod sa maong ahensiya sukwahi sa gitoohan sa kadaghanan.
Hisayrang gawas kang Pompee, ipa-esplikar usab sa Quadcom kabahin sa maong isyu ang kanhi administrador nga si Atty Franklin Quijano ug incumbent Phividec administrator Atty. Joseph Bernedo.
