Dili makalibre si Presidente Ferdinand Marcos Jr. sa panubag ug pwedeng gukdon og impeachment inabot sa sunod tuig.
Sa eksklusibong pakighinabi sa Bombo Radyo kang Masa Sara Duterte Alliance Founding Convenor Ben Ranque, gibutyag niini nga mahimong basihan sa mga mambabalaod ang wala pag-veto sa Presidente sa mga probisyon sa budget aron makalingkawas sila sa kaugalingong sala.
Gisumpay sa opisyal nga gawas sa impeachment, dali gihapon nga gukdon sa mga kaso ang Presidente inig naog niini sa pwesto sa tuig 2028 tungod sa pagtapos sa iyang immunity from suit.
Tungod niini, nanawagan ang grupo sa katawhan nga imbestigahan usab ang pagpakahilom sa ubang politiko nga nakabenepisyo sa maong insertion sa pondo.
