Taliwala sa mga gipadayag nga bentaha sa bag-ong Government Complex, wala gipalampas ni Konsehal Yvy Emano nga kwestiyonon ang praktikalidad sa planong pagpangutang og 8.5 billion pesos sa dakbayan.
Pinaagi sa gihuptang COA report, gipadayag sa opisyal ang kabalaka batok sa pagtaas sa proposisyon gikan sa kanhi 2.7 billion pesos taliwala sa mga kontrata nga wala pa nabayaran.
Gihisgutan usab sa konsehal ang mga dugay nang napasagdan nga proyekto sama sa public market ug Macanhan Super Health Center nga wala gihapon mahuman hangtod karon.
Tungod sa giatubang nga sitwasyon, gipamugos sa opisyal nga ang dako nga kautangan magbilin og bug-at nga obligasyon nga pas-anon sa mga mosunod pa nga administrasyon.
