Gimando ni Presidente Ferdinand Marcos Jr. sa Department of Justice (DOJ) nga paayohon ang correction system sa nasod ug siguruhon nga makatagam ang mga Persons Deprived of Liberty (PDLs) sa hustong legal nga tabang.
Gipadali usab sa Pangulo ang proseso alang sa mga PDL nga nakahuman na sa ilang sentensiya aron malikayan ang dugang paglangan sa ilang kagawasan.
Iyang gipamugos nga ang mga tawo nga nakabayad na sa ilang sala ug nakaatubang sa hustisya angay hatagan sa higayon nga makausab ug makasugod pag-usab sa komunidad.
Giingon usab sa Punong Ehekutibo nga adunay mga PDL nga na-deprive sa ilang katungod tungod lamang sa kakulang sa abogado ug legal nga serbisyo aron makompleto ang ilang mga dokumento alang sa pagpagawas.
Giduso sa administrasyon ang mas episyenteng pagdumala sa mga kaso aron dili malangan ang kagawasan sa mga kwalipikadong PDL tungod sa kulang nga legal nga suporta.
