CAGAYAN DE ORO CITY, Philippines – Nagsilbing eksplosibo ang mga pamahayag ni Presidential Sister – Senator Imee Marcos nga niadto pang Mayo 2024, gisugdan sa gobyerno ang pagkigkoordinar sa International Criminal Court (ICC) aron sikopon si kanhi Presidente Rodrigo Duterte.
Gihimo ni Marcos ang pamahayag subay sa gilusad nga imbestigasyon sa Senate Committee on Foreign Relations, kundiin, mismo ang Department of Justice ang milusad sa usa ka “briefer” bahin sa posibleng pag-aresto kang Duterte ug ang plano sa nasud nga mupaubos pag-usab sa ICC.
Gipasabot usab ni Marcos nga adunay mga dokumento gikan sa Philippine National Police (PNP) ug uban pang mga departamento nga gigamit sa ICC prosecutor isip ebidensya sa kaso batok kang Duterte.
Alang sa senador nga natubag na ang iyang mga pagduda ilabe nga dili man unta makahawid sa mga dokumento ang ICC gikan sa PNP kung walay patnugot gikan sa labaw sa kapulisan, ug sa DOJ.
