CAGAYAN DE ORO CITY – All set na ang Police Regional Office 10 sa paghatag sa seguridad sa mga aktibidad alayon sa ika-126 ka tuig nga Philippine Independence Day sa Northern Mindanao region.
Kini sa pagsiguro nga masaulog sa ensakto ug malab-as sa katawhan ang mga sakripisyo sa unang mga kaliwatan nga nakig-away alang sa kaugalingann batok sa mga puwersang langyaw nga miulipon sa nasud-Pilipinhon.
Miingon si PRO 10 spokesperson Maj Joann Navarro nga sobra 2-mil ka pulis ang ikatag sa kalihukan ilabina sa mga sentrong bahin sa mga syudad ug kalungsuran.
Siya miingon nga anaa lang sa normal alert status ang Camp Alagar apan pabiling walay kumpiyansa nag lower units aron dili maigo sa sabotahe ang katibuk-ang seguridad sa aktibidad.
Hisayrang subay sa kasaysayan,daghan sa Cagay-anons ug Misamisnons nga tipik sa miula sa ilang kinabuhi aron makab-ot ang hingpit nga kaugalingnan batok sa mga nangulipon sa Pilipinas nga naglakip sa mga Espanyol,Amerikano ug Hapones sa magkalahing mga katuigan.
