CAGAYAN DE ORO CITY – Nanawagan ang kapulisan sa tanan indibidwal nga nagbaton sa armas nga paso ug wala lisensya nga itahan na kini sa labing dool nga police station.
Miingon si Pol Lt. Colonel Surki Serenias, spokesperson sa Police Regional Office 10 nga mas maayong magbuluntaryo ang usa ka gunholder nga isurender ang iyang firearms inay mapahamtangan ug kaso sa korte.
Nagpadumdum si Serenias nga gawas sa kasong paglapas sa election gunban, makasuhan sab sa paglapas sa illegal possession of firearms ang naghupot sa mga loose firearms.
