Gipakusgan sa Police Regional Office 10 ang ilang pwersa alang sa hugot nga monitoring sa rehiyon, ilabi na sa ipahigayong Miss Universe Philippines 2026 Top 10 Semi-Finals sa Misamis Occidental.
Sumala ni PRO-10 Spokesperson PMaj Joan Navarro, gilunsad na ang dugang deployment sa kapulisan aron maseguro ang kalinaw, kahapsay ug seguridad sa mga delegado, bisita ug katawhan nga motambong sa maong dakong kalihukan.
Gibantayan sa kapulisan ang mga pangunang dalan, terminal, pantalan ug ubang lugar nga posibleng daghang tawo motapok atol sa kompetisyon.
Dugang pa niya, padayon ang hugot nga police visibility ug koordinasyon sa mga lokal nga opisyal aron malikayan ang bisan unsang hulga sa seguridad.
Pasalig usab sa kapulisan nga andam na ang pwersa sa paghatag proteksyon hangtod sa matapos ang line-up sa mga kalihukan sa kompetisyon karong Abril 26.
